Татарстан Республикасы һәм Мәскәү өлкәсе дәүләт экспертизалары хезмәттәшлек турында килештеләр
Эш сәфәренең максаты – цифрлы трансформация өлкәсендә килешүләрне җайга салу.
ТР Дәүләт экспертизасы эш визиты белән Мособлгосэкспертизада булды, ул технологик үсешнең югары дәрәҗәсен күрсәтүче алдынгы эксперт оешмасы булып тора.
Очрашуны Мәскәү өлкәсе дәүләт экспертизасы җитәкчесе Владимир Зекунов үткәрде. Уздырылган очрашу мәгълүмати булып чыкты һәм җитештерү процессы белән һәрьяклап танышырга һәм дәүләт экспертизасын уздырганда барлыкка килә торган актуаль мәсьәләләр турында фикер алышырга мөмкинлек бирде.
ТР Дәүләт экспертизасы җитәкчелегеннән директор урынбасарлары Игорь Алексеев һәм Гузель Нугуманова, мәгълүмати технологияләр идарәсе башлыгы Артем Пиряков катнашты.
«Безне аеруча эксперт процедураларын автоматлаштыру буенча карарлар кызыксындырды. Без хезмәттәшләребезнең иң яхшы тәҗрибәләрен, Татарстан үзенчәлекләрен исәпкә алып, төбәкнең төзелеш тармагында алдынгы урыннарын саклап калу өчен җайлаштырырга ниятлибез», —Артем Пиряков шәрехләде.